Kona fyrrum Þýskalandsforseta segist ekki hafa verið vændiskona

Bettina Wulff eiginkona Christian Wulff fyrrum forseta Þýskalands hefur gefið eiðsvarna yfirlýsingu fyrir dómstól í Hamborg um að hún hafi aldrei starfað sem vændiskona.

Með yfirlýsingunni ætlar Bettina að koma í veg fyrir að leitarvélin Google geti sýnt niðurstöður að leit undir setningum eins og Bettina Wulff und escort.

Það hefur lengi verið orðrómur um að Bettina hafi unnið á Artemis vændishúsinu í Berlin undir dulnefninu Tattoo Betty eða Victoria.

Málið hefur vakið mikla athygli í Þýskalandi en eiginmaður hennar neyddist til að segja af sér sem forseti landsins eftir að hálft annað ár í starfi vegna spillingar.