Bjargaði lífi 17 ára dóttur sinnar

Sigurbjörg Jóhanna Gísladóttir var aðeins 17 ára þegar hún fékk hjartastopp á heimili sínu fyrir rúmu ári, en þökk sé réttum viðbrögðum föður hennar, Gísla Arnar Gíslasonar, hélt hún lífi.

Í Íslandi í dag í kvöld var talað við feðginin og sögðu þau frá því hvernig röð tilviljana varð til þess að Sigurbjörg er á lífi í dag. Einnig var átakanleg upptaka af því þegar móðir Sigurbjargar hringdi í Neyðarlínuna spiluð.

„Það getur ekkert undirbúið mann fyrir svona," segir Gísli. Hann var á laugardag útnefndur skyndihjálparmaður ársins á hinum árlega 112 degi fyrir að hafa bjargað lífi Sigurbjargar Jóhönnu.

Hægt er að horfa á umfjöllun Íslands í dag hér fyrir ofan og á Vísir Sjónvarp.