Tveir látnir eftir skotárás í skóla í Ohio

Tveir eru nú látnir eftir skotárásina í skólanum Chardon í Ohio í gær. Læknar hafa staðfest að sautján ára gamall piltur hafi verið úrskurðaður heiladauður en hann var fluttur á sjúkrahúsið í Cleveland stuttu eftir árásina.

Sextán ára piltur lést einnig í skotárásinni. Þá særðust þrír nemendur en þeir eru ekki taldir vera í lífshættu.

Fórnarlömbin voru öll nemendur við Chardon skólann en vígamaðurinn var samnemandi þeirra.

Hann var handsamaður stuttu eftir skotárásina og verður yfirheyrður af lögreglunni í Ohio í dag.