Samkynhneigður hermaður tók "fyrsta kossinn"

Samkynhneigður landgönguliði hefur fengið mikla athygli eftir að hann heilsaði kærasta sínum með kossi þegar hann formlega lauk herþjónustu sinni í Afganistan.

Mynd náðist af atvikinu þegar liðþjálfinn Brandon Morgan hljóp í faðm kærasta síns og smellti á hann rembingskossi. Parið tók þar með þátt í hinni rótgrónu hefð um „fyrsta kossinn."

Þegar hermenn í Bandaríkjaher snúa heim frá vígvellinum er einn valinn til að heilsa betri helmingnum með kossi. Hinir hermennirnir fylgjast með og er „fyrsti kossinn" sagður vera lokapunktur á herþjónustu þeirra.

Ljósmyndin hefur notið gríðarlegra vinsælda á internetinu og hefur verið dreift víða um heim.

„Við gerðum þetta ekki fyrir frægð," sagði Morgan. „Við höfum þrisvar sinnum farið til Afganistan og höfum þekkst í fjögur. Það var einfaldlega kominn tími til að tjá hug sinn og það gerðum við."

Morgan og kærasti hans fylgja í fótspor undirliðsforingjans Marissu Gaeta en hún smellti kossi á kærustu sína í desember á síðasta ári.

Fimm mánuðir eru síðan hermenn fengu leyfi til að opinbera kynhneigð sína í Bandaríska hernum.