Lætur fjarlægja stuðningsyfirlýsingu við Mitt Romney

Eric Hartsburg frá Michigan í Bandaríkjunum mun á næstu dögum láta fjarlægja umdeilt húðflúr sem hann lét gera á enni sitt þegar kosningabaráttan stóð sem hæst í Bandaríkjunum nýverið.

Eric fékk um 15 þúsund dollara frá stuðningsmanni Mitt Romney, þáverandi forsetaefni Repúblikanaflokksins, fyrir að húðflúra framboðsmerki hans á höfuð sitt.

Málið vakti mikla athygli í Bandaríkjunum en Eric hefur nú ákveðið að losa sig við þessa áminningu um biturt tap Repúblikanaflokksins.

Eric sagði AP fréttaveitunni að stjórnendur forsetaframboðs Romneys hefðu aldrei haft samband við sig og þótti honum það miður.