Banna myndir af hertogaynju

Dómstóll í Frakklandi hefur bannað útgáfunni Mondadori Magazines, sem gefur meðal annars út blaðið Closer, að birta fleiri myndir af Kate hertogaynju af Cambridge berbrjósta.

Þá var blaðið dæmt til þess að afhenda öll afrit af myndunum sem teknar voru af Katrínu. Jafnframt þarf blaðið að borga sekt ef myndir birtast aftur.

Myndirnar sem um ræðir hafa þegar birst á Írlandi og Ítalíu og eru víða á netinu. Málið sem breska konungsfjölskyldan vann í gær kemur því ekki í veg fyrir dreifingu á myndunum, en önnur lögsókn er í bígerð.

- þeb