Biður Merkel um lengri frest

Angela Merkel Þýskalandskanslari ítrekaði í gær að hún teldi að Grikkland ætti ekki að yfirgefa evrusvæðið, þrátt fyrir alvarlegan skuldavanda sem hefur valdið evrusvæðinu öllu verulegu tjóni.

Antonis Samaras, forsætisráðherra Grikklands, heimsótti hana í gær og reyndi að sannfæra hana um að veita Grikkjum lengri frest til að ráða bót á vanda sínum.

Hún lofaði engu, en sagðist ætla að bíða þangað til þriggja manna nefnd frá seðlabanka Evrópusambandsins, framkvæmdastjórn þess og frá Alþjóðagjaldeyrissjóðnum lyki rannsókn sinni á ríkisfjármálum Grikklands í byrjun september.- gb