Fús til að veita Grikkjum frest

Guido Westerwelle, utanríkisráðherra Þýskalands, segist alveg til í að veita Grikkjum lengri frest til að ná fram ströngum sparnaði í ríkisútgjöldum. Frá þessu er skýrt í þýskum fjölmiðlum á Netinu.

Ekki er þó víst að Angela Merkel Þýskalandskanslari verði jafn eftirgefanleg. Það kemur þó í ljós á næstu dögum.

Um helgina ætlar Antonis Samaras, forsætisráðherra Grikklands, að halda á fund þýskra ráðamanna í von um að geta sannfært þá um nauðsyn þess að Grikkir fái meira svigrúm til að koma á þeim umbótum í ríkisrekstri sem þarf til að skuldahalinn verði viðráðanlegri.- gb