Tvö flugmóðurskip á Persaflóa

Yfirmenn bandaríska flotans staðfestu í gær að þeir hefðu sent bandaríska flugmóðurskipið Enterprise á Persaflóa. Þar var fyrir annað flugmóðurskip, og þykir víst að hernaðaruppbyggingin tengist kjarnorkuáætlun Íran.

Sjaldgæft er að bandarísk hermálayfirvöld sjái ástæðu til að hafa tvö flugmóðurskip á þessu svæði, og hefur það aðeins gerst þrisvar áður síðasta áratug.

Flugmóðurskipin eiga að styðja við herafla Bandaríkjanna í Afganistan, verjast sómölskum sjóræningjum, og tryggja að olíuflutningaleiðir haldist opnar. - bj