Unnu bronsið og sluppu við herþjónustu

Suður-kóreska fótboltalandsliðið vann fyrstu verðlaun þjóðar sinn í fótboltakeppni Ólympíuleikanna í gær þegar liðið lagði Japan 2-0 í bronsleiknum á ÓL í London. Leikmenn liðsins fengu ekki bara bronsið að launum eftir sigurinn.

Fyrir leikinn fengu leikmenn Suður-Kóreu að vita það að þeir myndu sleppa við við 21 mánaða herþjónustu ef að þeim tækist að krækja í bronsverðlaunin. Suður-Kóreumenn höfðu því að miklu að keppa, spiluðu agað og unnu sannfærandi.

Í Suður-Kóreu þurfa menn að skila 21 mánaða herþjónustu áður en þeir verða 29 ára gamlir og það var ljóst að það getur haft mjög slæmt áhrif á fótboltaferil leikmannanna, sérstaklega þeirra sem eru að reyna að komast að hjá liðum í Evrópu.

Einn þeirra er Arsenal-maðurinn Park Chu-young sem kom sínum mönnum í 1-0 í bronsleiknum. „Ég er mjög ánægður að vinna bronsið og nú fá allir í liðinu annað tækifæri þar sem að þeir sleppa við herþjónustuna," sagði Park Chu-Young, einn af eldri leikmönnum í liðinu.

„Þetta er ein af bestu stundunum í mínu lífi. Herþjónustan var stórt vandamál fyrir kóreska leikmenn en nú sleppum við hana og getum haldið áfram að spila í Evrópu," sagði Kim Bok-yung en hann er 22 ára og leikmaður hjá Cardiff City.