Sérsveitir úr íranska Byltingarhernum í Sýrlandi

Hermenn úr íranska Byltingarhernum hafa verið til staðar í Sýrlandi undanfarna mánuði til að aðstoða og leiðbeina sýrlenska hernum í átökunum sem geisa í landinu.

Fjallað er um málið á vefsíðu CNN en þar segir að um hafi verið að ræða sérsveitir innan Byltingarhersins sem kallast Quds.

Talsmaður utanríkisráðuneytis Írans segir að þessar sérsveitir séu ekki til staðar í Sýrlandi í dag og leggur áherslu á að sveitirnar hafi aðeins starfað sem ráðgjafar fyrir sýrlenska herinn. Hann segir að frekari þátttaka þeirra í átökunum í Sýrlandi fari eftir því hvernig málin þróast þar í landi.