Portúgalir biðja ESB um aðstoð vegna skógarelda

Stjórnvöld í Portúgal hafa farið fram á aðstoð Evrópusambandsins vegna mikilla skógarelda sem geisa í mið- og norðurhluta landsins.

Sem stendur berjast um 1.700 slökkviliðsmenn við eldana sem kostað hafa a.m.k. eitt mannslíf. Slöllviliðið á í miklum erfiðleikum með að hefta útbreiðslu þessara skógarelda og því var beðið um aðstoð frá Evrópusambandinu að því er segir í frétt á BBC um málið.

Það sem Portúgalir fara einkum fram á er að fá þyrlur til að berjast við eldana úr lofti. Þessir eldar hafa kviknað í framhaldi af mikilli hitabylgju í landinu í sumar.