Hugsanlegt að lík sem fannst sé af Sigrid

Ekki er útilokað að lík sem fannst í úthverfi Oslóar í Noregi í gærkvöld sé af hinni sextán ára gömlu Sigrid Schjetne, sem leitað hefur verið að í um mánuð. Líkið fannst í skógi á bakvið bensínstöð við Kolbotn. Lögreglan segir að á þessari stundu sé ekkert hægt að segja um kyn eða aldur þess sem líkið er af.

„Við útilokum ekki að þetta geti verið Sigrid Schjetne," segir Rune Isaksen lögregluþjónn í Follo. Hann býst við að fá frekari upplýsingar úr krufningu fljótt.

Þá handtók norska lögreglan í gærkvöld tvo menn skammt frá þeim stað þar sem líkið fannst.



Nánari umfjöllun má finna á vef norska ríkisútvarpsins.