Kærðu tengdasoninn fyrir að nauðga önd

Tyrkneska dagblaðið Habertürk greindi frá því um helgina að karlmaður hefði verið handtekinn í Marmara-héraðinu grunaður um að hafa nauðgað önd. Það voru tengdaforeldrar mannsins sem kærðu hann til lögreglu eftir að þau fundu blóð og fjaðrir í rúmi mannsins. Maðurinn gisti hjá tengdaforeldrunum yfir nóttina.

Þá sagði tengdafaðirinn að öndin hefði ekki getað gengið eftir nauðgunina. Tengdamóðirin sagið í viðtali við blaðið að hún hefði síðar fundið blóðuga skyrtu mannsins nærri tréi. Sönnunargögnin voru því yfirþyrmandi sem varð til þess að tyrkneska lögreglan handtók manninn og yfirheyrði.

Hann neitar alfarið sök og sakar tengdaforeldra sína um að sverta mannorð sitt. Tengdaforeldrarnir fóru með öndina til dýralæknis þar sem kom í ljós að hún hefði hlotið meiðsl á þörmum og þurfti því að gangast undir aðgerð. Sú aðgerð gekk vel og er öndin á batavegi.