Gamli valdaflokkurinn vann stórsigur í Japan

Hinn gamli valdaflokkur í Japan, Frjálslyndi lýðræðisflokkurinn, vann stórsigur í þingkosningunum sem haldnar voru í Japan um helgina.

Alls vann flokkurinn, ásamt samstarfsflokki sínum, nærri 300 þingsæti eða tvo þriðju þeirra. Fráfarandi stjórnarflokkurinn, Demókratar, galt afhroð í þessum kosningum.

Shinzo Abe leiðtogi Frjálslyndra lýðræðisflokksins segir að með úrslitunum sé mikil ábyrgð lögð á herðar flokksins.

Abe mun reka mun harðari utanríkisstefnu gegn Kína en forveri sinn og hafa kínversk stjórnvöld þegar lýst yfir áhyggjum af þeirri hægri sveiflu sem kosningaúrslitin sýna.