Endeavour: Síðasta ferðin ofurhæg

Fella þurfti fjögur hundruð tré, þrátt fyrir mótmæli íbúa, og taka rafmagnið af nærliggjandi rafmagnslínum, til þess að ferja geimskutluna Endeavour síðustu tuttugu kílómetrana sína af þeim 185 milljónum kílómetra sem skutlan hefur ferðast.

Nú standa yfir flutningar á þessari gríðarlega stóru geimskutlu sem eru 75 tonn á þyngd en ferðinni er heitið í Vísindasafn Kaliforníu þar sem skutlan verður til sýnis í framtíðinni.

Það er ekkert smáræði að flytja skutluna eins og kom fram í byrjun, en flutningabíll, sem ekur henni um götur Los Angeles, ekur á um þriggja kílómetra hraða. Það er því ljóst að ferðalagið tekur sinn tíma.

Alls flaug Endeavour 25 sinnum út fyrir himinhvolfið á þeim tæplega 20 árum sem Geimferðastofnun Bandaríkjanna, Nasa, notaðist við faratækið.