Innlent

Árásarmaðurinn í yfirheyrslu

Jón Hákon Halldórsson skrifar
Maðurinn sem fór inn á lögfræðiskrifstofuna Lagastoð í morgun vopnaður hnífi og stakk Skúla Sigurz, framkvæmdastjóra skrifstofunnar, hefur verið í yfirheyrslum eftir hádegi í dag.

Friðrik Smári Björgvinsson, yfirmaður rannsóknardeildar lögreglunnar á höfuðborgarsvæðinu, segist ekki geta gefð upplýsingar um það hvort maðurinn hafi verið undir áhrifum lyfja eða fíkniefna þegar verknaðurinn var framinn. Friðrik Smári vísaði að öðru leyti á fréttatilkynningu sem lögreglan sendi frá sér í morgun.

Maðurinn sem var stunginn mun hafa særst alvarlega. Hann fór í aðgerð á Landspítalanum í Fossvogi í morgun, en ekki hafa borist frekari fréttir af líðan hans.


Tengdar fréttir

Starfsmaður lögfræðistofu stunginn - einn handtekinn

Karlmaður var stunginn á lögfræðistofu í Reykjavík í Lágmúla í morgun. Einn maður hefur verið handtekinn samkvæmt heimildum Vísis. Svo virðist sem maðurinn hafi ráðist á starfsmanninn snemma í morgun og stungið hann nokkrum sinnum.

Brynjar Níelsson: Hvaða starfsmaður sem er hefði getað lent í árásinni

"Starfsfólkið er í áfalli,“ sagði Brynjar Níelsson, formaður Lögmannafélags Íslands, en hann starfar á sömu skrifstofu og hnífaárásin átti sér stað í morgun. Hann sagði í samtali við fréttastofu að skrifstofunni verði lokað í dag vegna rannsóknar lögreglu og verður áfram næstu daga.

Guðni hlaut áverka þegar hann reyndi að bjarga manni frá hnífaárás

Guðni Bergsson, lögfræðingur og fyrrverandi landsliðsfyrirliði í knattspyrnu, hlaut skurðáverka þegar hann reyndi að koma samstarfsmanni sínum til bjargar í morgun. Karlmaður stakk manninn ítrekað með hnífi. Guðni var stunginn tvívegis í lærið en árásin átti sér stað skömmu fyrir klukkan tíu í morgun á lögfræðistofunni Lagastoð í Lágmúla.

Landsbankinn kærði árásarmanninn til lögreglu fyrir þjófnað

Maðurinn, sem hefur verið handtekinn vegna morðtilraunar í morgun, var með vélhjól á lánum hjá SP-Fjármögnun. Samkvæmt heimildum fréttastofu kærði Landsbankinn manninn til lögreglu vegna þess að maðurinn hélt því fram að hjólið væri horfið.

Mest lesið


Fleiri fréttir

Sjá meira


×

Mest lesið