Írar og Ítalir geta líklega skoðað brjóst hertogaynjunnar á næstu dögum

Írska dagblaðið Daily Star hefur ákveðið að birta myndir af hertogaynjunni Katrínar Middelton þar sem hún sést berbrjósta í fríi í Frakklandi. Áður birti blaðið Closer myndirnar en konungsfjölskyldan er æf vegna birtingarinnar og hefur meðal annars kært blaðið vegna málsins.

Í viðtali við BBC segir ritstjóri írska dagblaðsins að það fjallaði um Middelton eins og hverja aðra stórstjörnu og gerði engan sérstakan greinarmun á henni eða stjörnum eins og Lady Gaga eða Rihönnu. Talsmaður konungsfjölskyldunnar segir ákvörðun blaðsins hneykslanlega og markmið þess sé ekkert annað en græðgi.

Engin dagblöð í Englandi hafa lagt í að birta myndirnar enn sem komið er, til stendur að birta myndirnar einnig í ítölsku tímariti.