Hazard fer frá Lille í sumar

Michel Seydoux, forseti Lille, hefur viðurkennt að franska félagið muni ekki geta haldið framherjanum Eden Hazard áfram hjá félaginu.

Þessi 21 árs Belgi er eftirsóttur af mörgum stærstu félögum Evrópu og Lille mun væntanlega fá vænan seðil fyrir hann í sumar.

Hazard hefur sjálfur gefið til kynna að hann vilji fara að prófa sig í sterkari deild og er líklegasti áfangastaðurinn sagður vera Man. Utd.

Tottenham og Real Madrid eru einnig á meðal þeirra félaga sem hafa sýnt honum áhuga.