Draugur Díönu prinsessu náðist á myndband

Sérfræðingar í hinu dulræna rannsaka nú myndband sem tekið var í kirkju í Glasgow. Á myndbandinu virðist andlit Díönu Prinsessu birtast í glermálverki.

Það var kínversk fjölskylda sem tók myndbandið en þau voru á ferðalagi um Skotland. Þau tóku eftir andlitinu þegar myndbandið var skoðað eftir að ferðalaginu lauk.

Fjölskyldan kom myndbandinu til rithöfundarins Michael Cohen en hann er fróður í málefnum hins yfirnáttúrulega. Hann segist aldrei áður hafa séð jafn skýra mynd af yfirnáttúrulegu fyrirbæri.

Cohen rannsakar nú myndbandið ásamt samstarfsmönnum sínum. Hann sagði að það væri möguleiki á að sjónvilla hafi orsakað birtingu andlitsins.

Cohen sagði að draugar birtist oft á tíðum á stöðum sem tengjast jarðlegu lífi þeirra. Hann heldur því fram að draugar reyni oftar en ekki að vara fólk við væntanlegum hörmungum.