Bandaríkjamenn eyddu 50 milljörðum í gæludýrin

Bandaríkjamenn hafa aldrei eytt jafn miklu fé í gæludýrin sín en á síðasta ári. Samkvæmt Samtökum gæludýraeigenda eyddu Bandaríkjamenn 50 milljörðum dollara í dýrahald.

Samtökin segja að matur og sjúkrakostnaður sé enn stærsti útgjaldaflokkurinn en óhefðbundin þjónusta fyrir dýrin sé þó sífellt að verða vinsælli.

Alls eyddu Bandaríkjamenn tæpum 4 milljörðum dollara í snyrtingu, pössun og hundahótel fyrir dýrin sín.

„Áhugi fólks á gæludýrum er sífellt að aukast," sagði Jessica Vogelsang, dýralæknir í San Diego. Hún segir að gæludýraiðnaðurinn eigi tvímælalaust eftir að stækka í Bandaríkjunum.