Ekkert skorað í leikjum dagsins í undankeppni HM

Báðum leikjum dagsins í undankeppni HM 2014 lauk með markalausu jafntefli. Danir mættu Tékkum á Parken og þá áttust Skotar og Serbar við.

Danir voru sterkari aðilinn á heimavelli sínum í dag og fengu þó nokkur tækifæri til að skora. Nicklas Bendtner var í leikbanni og spilaði því ekki með Dönum í dag.

Liðin leika í B-riðli sem er skipaður sterkum liðum. Ítalía er í sama riðli en liðið gerði 2-2 jafntefli við Búlgaríu á útivelli í gær.

Skotar og Serbar urðu einnig að sættast á skiptan hlut í A-riðli en leikurinn fór fram á Hampden Park í Glasgow.