Giggs fékk leyfi til þess að spila á Ólympíuleikunum

Man. Utd hefur gefið Ryan Giggs leyfi til þess að spila með breska landsliðinu á Ólympíuleikunum ef hann verður valinn. Hann er eini öldungur félagsins sem fær slíkt leyfi.

Ekki er búið að opinbera hvaða 80 leikmenn eru á leikmannalista liðsins en nokkur nöfn hafa þó lekið út. Þar á meðal David Beckham. Giggs ku einnig vera á þessum lista.

Aðeins má velja þrjá leikmenn yfir 23 ára og ljóst að baráttan hjá öldungunum um sætin þrjú verður nokkuð hörð.

Giggs lék 64 landsleiki fyrir Wales á sínum ferli en hefur aldrei tekið þátt í stórmóti. Sá tími gæti loksins verið kominn.