Wilshere: Algjör snilld að ráða Neville

Jack Wilshere, miðjumaður Arsenal og enska landsliðsins, verður ekki með á EM vegna meiðsla en hann er mjög sáttur við að Gary Neville sé kominn inn í þjálfarateymi enska landsliðsins.

Það bjuggust flestir við því að Alan Shearer yrði aðstoðarmaður Roy Hodgson en Hodgson fór frekar þá leið að leita til gamla Manchester United bakvarðarins Gary Neville.

„Ráðningin á Gary Neville er algjör snilld. Það er augljóst þegar maður horfir á hann á Sky að þar fer maður sem kann fótbolta," sagði Jack Wilshere í viðtali við talkSPORT.

„Ég tel að það sé mikilvægt að hann er ungur og þekkir vel til búningsklefans. Hann hefur spilað með eða við flesta leikmennina í liðinu og hungrið hans var mikið inn á vellinum. Vonandi getur hann komið með það inn í klefann," sagði Wilshere.