Japanir komnir í 8-liða úrslit | Giggs skoraði í sigri Breta og Spánn úr leik

Fimm leikir fóru fram í knattspyrnu karla á Olympíuleiknum í London í dag en þar ber helst að nefna ósigur Spánverja gegn Hondúras, 1-0 en liðin hefur ekki náð í stig á mótinu og er því úr leik.

Spánverjar eru í neðsta sæti síns riðils með ekkert stig en tvö efstu liðin fara áfram í 8-liða úrslitin.

Bretland bar sigur úr býtum gegn Sameinuðu Arabísku furstadæmunum 3-1. Ryan Giggs gerði fyrsta mark leiksins eftur um stundarfjórðung. Ryan Giggs var því elsti knattspyrnumaðurinn til að skora mark á Ólympíuleikum, 38 ára að aldri.

Sameinuðu Arabísku furstadæmin jöfnuðu metin þegar hálftími var eftir af leiknum en það var Scott Sinclair sem kom Bretum aftur yfir um tíu mínútum síðar. Daniel Sturridge innsiglaði sigurinn fyrir þá bresku stuttu síðar en þeir hafa náð í fjögur stig í A-riðli.

Suður-Kórea vann fínan sigur gegn Sviss, 2-1, en Chuyoung Park og Bokyung Kim gerði sitt markið hvor fyrir Suður-Kóreu í leiknum en þeir eru með fjögur stig í B-riðli. Senegal náði í góðan sigur, 2-0, gegn Úrúgvæ en það verða teljast nokkuð óvænt úrslit. Senegal hefur náð í fjögur stig í A-riðli líkt og Bretar.

Japanir náðu að tryggja sæti sitt í 8-liða úrslitum með sigri á Marokkó 1-0 og erum með fullt hús stiga eða sex stig í D-riðli.