Telja að leigumorðingi hafi myrt bresku fjölskylduna í Frakklandi

Ein af þeim kenningum sem franska lögreglan vinnur eftir í rannsókn sinni á morðunum á bresku fjölskyldunni við Annecy vatn nálægt Ölpunum er að leigumorðingi hafi verið þar að verki og þá hugsanlega á vegum ættingja fjölskyldunnar.

Það sem styður þessa kenningu er að þau þrjú sem fundust myrt voru öll skotin í höfuðið. Morðinginn skaut því ekki af handahófi á bílinn sem fjölskyldan fannst í. Um var að ræða hjón, eldri konu og tvær ungar dætur hjónanna en fjölskyldan kemur frá Surrey í Englandi og var í sumarfríi í Frakklandi.

Önnur dóttir þeirra hjóna sem myrt voru, átta ára gömul, liggur lífshættulega særð á sjúkrahúsi í Frakklandi en hún fannst fyrir utan bílinn og hefur sennilega reynt að flýja frá morðingjanum. Hin dóttirin, fjögurra ára gömul, fannst heil á húfi undir líkunum í bílnum.

Franski hjólreiðamaðurinn sem einnig fannst myrtur nálægt bílnum hefur seinnilega komið að leigumorðingjanum þegar hann var að myrða fjölskylduna.