Obama lofaði milljón nýjum störfum í Bandaríkjunum

Barack Obama Bandaríkjaforseti lofaði bandarísku þjóðinni að skapa milljón ný störf í iðnaðarfyrirtækjum fram til ársins 2016 næði hann kjöri að nýju í kosningunum í nóvember.

Þetta kom m.a. fram í útnefningarræðu Obama á flokksþingi Demókrataflokksins í Norður Karólínu í nótt. Obama sagði að þessi störf í iðnaðarfyrirtækjum, smáum og meðalstórum, yrðu sköpuð með aðstoð frá hinu opinbera.

Jafnframt lofaði hann að skapa 600 þúsund ný störf í náttúrugasvinnslunni í landinu og að stefnt yrði að því að skera nettóinnflutning á olíu til landsins niður um helming fram til ársins 2020.

Ræðuna má horfa á í heild sinni hér að ofan.