Beitir orðljótum páfagauki gegn fyrrverandi eiginmanni og kærustu

Lynne Taylor frá Rhode Island í Bandaríkjunum hefur verið ákærð út af heiftarlegum blótsyrðum páfagauks sem hún á.

Um er að ræða brot á lögum sem varðar hávaða dýra í íbúðahverfum en það eru nágrannar Lynne sem kærða hana út af páfagauknum. Ástæðan virðist vera sú að Lynne hefur þjálfað gaukinn til þess að beina fúlum blótsyrðum persónulega að grönnunum. Þess má geta að nágrannar hennar eru fyrrverandi eiginmaður og kærasta hans.

Lynne reyndi að fá málinu vísað frá fyrir dómstólum en dómari hafnaði því og verður því réttað í málinu þar í landi.

Nágrannarnir segja páfagaukinn hafa blótað látlaust í fimmtán mínútur í eitt skiptið og nú sé svo komið að þau geti ekki búið við óbreytt ástand.

Samkvæmt fréttastofu AP þá úrskurðaði dómarinn einnig að bæði Lynne og kærasta fyrrverandi eiginmanns hennar megi ekki eiga í samskiptum.