Romney eykur forskot sitt á Obama

Ný skoðanakönnun á vegum Reuters/Ipsos sýnir að Mitt Romney hefur aukið forskot sitt á Barack Obama á landsvísu í kosningabaráttuni um forsetaembætti Bandaríkjanna.

Romney mælist nú með 47% atkvæða en Obama mælist með 44% atkvæða. Í síðustu könnun fyrr í vikunni var Romney með aðeins eins prósentustiga forskot á Obama.

Hinsvegar er Obama enn með forystuna í svokölluðum sveifluríkjum eða í sjö þeirra af tíu. Munar þar mestu að Obama er enn með gott forskot á Romney í Flórída en úrslitin þar gætu ráðið því hvor þeirra verður forseti.

Þá sýnir könnun sem Washington Post gerði að Obama er mun vinsælli meðal Bandaríkjamanna en Romney.