Krúnudjásnum Ghana stolið af hóteli í Osló

Norska lögreglan rannsakar nú þjófnað á hluta af krúnudjásnum konungsins af Ghana en þeim var rænt af hótelherbergi konungsins í Osló.

Um er að ræða svokallaða Ashanti gimsteina en þeir hurfu úr móttöku Radisson Blu Plaza hótelinu í gærdag. Konungurinn, Osei Tutu II, var staddur í Osló til að taka þátt í ráðstefnu þar.

Ashanti gimsteinarnir hafa safnast saman í eigu konungsfjölskyldunnar í gegnum margar kynslóðir en þeir eru notaðir við ýmsar opinberar athafnir konungsins í Ghana. Talsmaður konungsins segir að ekki sé hægt að meta þessi krúnudjásn til fjár.