Kínverjar stöðva nektardans við jarðarfarir

Stjórnvöld í héraðinu Jiangsu í Kína hafa stöðvað allan nektardans við jarðarfarir í Donghai sýslu.

Það hefur tíðkast árum saman í Donghai að bjóða upp á nektardans við jarðarfarir til að fá fleiri til að mæta. Í sýslunni er talið að því fleiri sem mæti í jarðarfarir því meiri virðing sé sýnd hinum látna.

Stjórnvöld létu til skarar skríða fyrir helgina og handtóku fimm manns sem ráku sérstaka þjónustu með nektardansmeyjar fyrir jarðarfarir eftir að 200 manns mættu í jarðarför bónda eins í sýslunni til að sjá nektardansin.