Rifinn hanski í réttarhöldunum yfir Simpson?

Grunur leikur á að fyrrverandi verjandi O. J. Simpsons, sem sýknaður var af morðákærum fyrir tæpum sautján árum, hafi átt við eitt af lykilsönnunargögnum í málinu.

Það er fyrrverandi saksóknari í Los Angeles, Christopher Darden, sem heldur þessu fram. Hann segir að verjandinn Johnnie Cochran og teymi hans hafi rifið svarta leðurhanska svo að þeir pössuðu ekki á Simpsons.

Darden lét ummælin falla á málþingi Pace-háskólanum í New York á dögunum. Þar sagði hann að verjendurnir hefðu fengið að rannsaka hanskann í matarhléi.

Verjendur Simpsons gefa þó lítið fyrir aðdróttanir Dardens og segja að hann beri í raun ábyrgð á einu mesta klúðri sem átti hefur sér stað í nútíma réttarsögu.