Vill fimm og hálfs árs fangelsi yfir Lárusi Welding Stígur Helgason skrifar 10. desember 2012 11:35 Saksóknari krefst fimm og hálfs árs fangelsis yfir Lárusi Welding. Saksóknarinn í svonefndu Vafningsmáli fer fram á fimm og hálfs ár fangelsisdóm yfir Lárusi Welding, fyrrverandi forstjóra Glitnis, og fimm ára dóm yfir Guðmundi Hjaltasyni, fyrrverandi framkvæmdastjóra fyrirtækjasviðs bankans. Saksóknarinn, Hólmsteinn Gauti Sigurðsson, lauk rétt í þessu rúmlega tveggja klukkustunda langri málflutningsræðu sinni. Hólmsteinn sagði að málið snerist um gríðarlega fjármuni á hvaða mælikvarða sem væri, eða tíu milljarða. Vafalaust væri að langstærstur hluti fjárins væri tapaður. Þótt Lárus og Guðmundur hafi ekki auðgast persónulega, og ásetningur þeirra ekki staðið til þess, væri brotið stórfellt. Hann sagði málið fordæmalaust sökum fjárhæðanna sem um væri að tefla og vísaði til Exeter-máls sérstaks saksóknara, sem snerist um umboðssvik upp á um einn milljarð. Þar fengu Jón Þorsteinn Jónsson og Ragnar Z. Guðjónsson fjögurra og hálfs árs fangelsisdóma. Hólmsteinn sagði óumdeilt að tíu milljarða lánið sem ákært er fyrir hafi átt að vera Milestone til hagsbóta, óháð því hvaða "formflækjur" hafi verið framkvæmdar til að dylja þá staðreynd að lánið hafi átt að renna til Milestone. Lárus og Guðmundur, tveir af æðstu stjórnendum bankans, hafi verið í lykilhlutverki í þeirri fléttu."Ég vona að við séum hér staddir í sama málinu" Í kjölfarið varði Hólmsteinn nokkru púðri í að rökstyðja að Vafningur, sem átti upphaflega að taka við láninu og fékk það raunar eftir að það hafði legið inni á reikningi Milestone yfir helgi, hafi í raun verið hluti af Milestone-samstæðunni. Hólmsteinn sagði að Vafningur hefði aðeins verið skel til að fara í kringum almennar lánareglur. Skúli Magnússon, einn þriggja dómara í málinu, greip fram í fyrir sækjandanum í miðjum þessum rökstuðningi og spurði hvaða máli þetta skipti fyrst ekki væri ákært fyrir lánveitingu til Vafnings. Hann spurði jafnframt hvernig stæði yfirleitt á því að ekki væri ákært fyrir lánið til Vafnings, úr því að sækjandinn væri farinn að flytja slíkt mál. "Ég vona að við séum hér staddir í sama málinu og ég sé ekki með vitlausa ákæru," sagði Skúli. Hólmsteinn svaraði því til að hann teldi þetta atriði hafa þýðingu í málinu og var fljótlega leyft að halda áfram með ræðu sína.Ótrúverðugur framburður ákærðu Hólmsteinn sagði óumdeilt að Lárus og Guðmundur hefðu undirritað þau skjöl sem þurfti til að heimila lánveitingu til Milestone og að sá framburður væri ótrúverðugur að undirmenn þeirra hefðu falsað skjöl án þeirrar vitundar. Enn fremur sagði hann mjög ótrúverðugt að ákærðu hefðu ekki vitað að lánið hefði runnið til Milestone í stað Vafnings fyrr en við skýrslutöku hjá sérstökum saksóknara tveimur árum síðar. Því til stuðnings benti Hólmsteinn á tölvupóst sem Guðmundi barst síðdegis föstudaginn 8. febrúar, daginn sem lánið var veitt, sem innihéldi staðfestingu á því að Milestone hefði verið lánað, ekki Vafningi. Hólmsteinn sagði beinlínis sannað að Lárus og Guðmundur hefðu tekið þessa ákvörðun, sem hafi verið í andstöðu við lánareglur bankans og með henni hafi fjármunum bankans verið stefnt í stórfellda hættu. Því til stuðnings hefði enn sem komið væri ekkert fengist upp í lánið sem að endingu rann til Vafnings. "Er sækjandinn að halda því fram að peningamarkaðslánið til Milestone hafi ekki verið greitt upp 12. febrúar 2008?" spurði þá Skúli Magnússon. Hólmsteinn benti á móti á samhengið við lánveitinguna til Vafnings eftir helgina – sem ekki er ákært fyrir. Óttar Pálsson, verjandi Lárusar, flytur nú mál sitt. Mest lesið Lést samstundis þegar ekið var á hana á 143 kílómetra hraða Innlent Bankinn hefur samband ef hann skuldar þér pening Innlent Ólga vegna samskiptaleka: „Ég elska Hitler“ Erlent Rússneskur kafbátur í fylgd sænska hersins Erlent Viðkvæmur friður þegar í hættu? Erlent Karlmaður í haldi vegna gruns um brot gegn barni í Hafnarfirði Innlent Álag á bráðamóttöku og fólk beðið um að leita annað Innlent Dónatal í desember Erlent „Það er allt svart þarna inni“ Innlent Biður Pútín um að afhenda Assad Erlent Fleiri fréttir Greip inn í þegar aldraður faðir hans keypti bíl handa vinkonu sinni Gummi Emil sver af sér ásakanir um dýraníð: „Ég bað hestinn afsökunar“ Biðtíminn sé dauðans alvara sem auki álag ofan í áfallið Álag á bráðamóttöku og fólk beðið um að leita annað Sigríður Andersen nýr þingflokksformaður Miðflokksins Karlmaður í haldi vegna gruns um brot gegn barni í Hafnarfirði Bankinn hefur samband ef hann skuldar þér pening Mál leiðbeinandans á Múlaborg á leið til héraðssaksóknara „Það er allt svart þarna inni“ Ekki láglaunakvenna að axla ábyrgð á innleiðingu kynjajafnréttis Íslandsbanki ætlar að hafa frumkvæði að endurgreiðslu til kúnna Lést samstundis þegar ekið var á hana á 143 kílómetra hraða Vilja þjóðfund um menntamál og framtíð landsins „Þessi málaflokkur er bara í drasli“ Þurrt og bjart suðaustan til og stinningskaldi í kortunum Nærliggjandi hús rýmt þegar eldur kom upp á Ásbrú í morgun Vildu bregðast við sterku ákalli fólks sem hafði misst skyndilega Endurkaupaáætlun fyrir Grindvíkinga kynnt eftir áramót Nafngreindi rangan mann í frétt og dæmdur fyrir meiðyrði Mosfellsbær tæki gjarnan við peningunum sem Tjörneshreppur afþakkar Danir stórefla varnir Grænlands með freigátum og orustuþotum Mannránstilraun í Kongó og tvöföld áramót meðal eftirminnilegustu ferðaævintýra Katrínar Lítill skjálfti við Ingólfsfjall Vill leiða Miðflokkinn í Kópavogi Skora á stjórnvöld að beita sér fyrir styttri bið eftir geislameðferð Erlendir aðilar stofna fölsk íslensk lén í annarlegum tilgangi Rýnt í áhrif stóra vaxtamálsins Velti fyrir sér „hvaða vitleysingur væri að skrifa bara eitthvað“ Vill heldur sjá langtímasamninga um framlög fyrir „samtök úti í bæ” „Auðvitað er hann velkominn hingað til Íslands“ Sjá meira
Saksóknarinn í svonefndu Vafningsmáli fer fram á fimm og hálfs ár fangelsisdóm yfir Lárusi Welding, fyrrverandi forstjóra Glitnis, og fimm ára dóm yfir Guðmundi Hjaltasyni, fyrrverandi framkvæmdastjóra fyrirtækjasviðs bankans. Saksóknarinn, Hólmsteinn Gauti Sigurðsson, lauk rétt í þessu rúmlega tveggja klukkustunda langri málflutningsræðu sinni. Hólmsteinn sagði að málið snerist um gríðarlega fjármuni á hvaða mælikvarða sem væri, eða tíu milljarða. Vafalaust væri að langstærstur hluti fjárins væri tapaður. Þótt Lárus og Guðmundur hafi ekki auðgast persónulega, og ásetningur þeirra ekki staðið til þess, væri brotið stórfellt. Hann sagði málið fordæmalaust sökum fjárhæðanna sem um væri að tefla og vísaði til Exeter-máls sérstaks saksóknara, sem snerist um umboðssvik upp á um einn milljarð. Þar fengu Jón Þorsteinn Jónsson og Ragnar Z. Guðjónsson fjögurra og hálfs árs fangelsisdóma. Hólmsteinn sagði óumdeilt að tíu milljarða lánið sem ákært er fyrir hafi átt að vera Milestone til hagsbóta, óháð því hvaða "formflækjur" hafi verið framkvæmdar til að dylja þá staðreynd að lánið hafi átt að renna til Milestone. Lárus og Guðmundur, tveir af æðstu stjórnendum bankans, hafi verið í lykilhlutverki í þeirri fléttu."Ég vona að við séum hér staddir í sama málinu" Í kjölfarið varði Hólmsteinn nokkru púðri í að rökstyðja að Vafningur, sem átti upphaflega að taka við láninu og fékk það raunar eftir að það hafði legið inni á reikningi Milestone yfir helgi, hafi í raun verið hluti af Milestone-samstæðunni. Hólmsteinn sagði að Vafningur hefði aðeins verið skel til að fara í kringum almennar lánareglur. Skúli Magnússon, einn þriggja dómara í málinu, greip fram í fyrir sækjandanum í miðjum þessum rökstuðningi og spurði hvaða máli þetta skipti fyrst ekki væri ákært fyrir lánveitingu til Vafnings. Hann spurði jafnframt hvernig stæði yfirleitt á því að ekki væri ákært fyrir lánið til Vafnings, úr því að sækjandinn væri farinn að flytja slíkt mál. "Ég vona að við séum hér staddir í sama málinu og ég sé ekki með vitlausa ákæru," sagði Skúli. Hólmsteinn svaraði því til að hann teldi þetta atriði hafa þýðingu í málinu og var fljótlega leyft að halda áfram með ræðu sína.Ótrúverðugur framburður ákærðu Hólmsteinn sagði óumdeilt að Lárus og Guðmundur hefðu undirritað þau skjöl sem þurfti til að heimila lánveitingu til Milestone og að sá framburður væri ótrúverðugur að undirmenn þeirra hefðu falsað skjöl án þeirrar vitundar. Enn fremur sagði hann mjög ótrúverðugt að ákærðu hefðu ekki vitað að lánið hefði runnið til Milestone í stað Vafnings fyrr en við skýrslutöku hjá sérstökum saksóknara tveimur árum síðar. Því til stuðnings benti Hólmsteinn á tölvupóst sem Guðmundi barst síðdegis föstudaginn 8. febrúar, daginn sem lánið var veitt, sem innihéldi staðfestingu á því að Milestone hefði verið lánað, ekki Vafningi. Hólmsteinn sagði beinlínis sannað að Lárus og Guðmundur hefðu tekið þessa ákvörðun, sem hafi verið í andstöðu við lánareglur bankans og með henni hafi fjármunum bankans verið stefnt í stórfellda hættu. Því til stuðnings hefði enn sem komið væri ekkert fengist upp í lánið sem að endingu rann til Vafnings. "Er sækjandinn að halda því fram að peningamarkaðslánið til Milestone hafi ekki verið greitt upp 12. febrúar 2008?" spurði þá Skúli Magnússon. Hólmsteinn benti á móti á samhengið við lánveitinguna til Vafnings eftir helgina – sem ekki er ákært fyrir. Óttar Pálsson, verjandi Lárusar, flytur nú mál sitt.
Mest lesið Lést samstundis þegar ekið var á hana á 143 kílómetra hraða Innlent Bankinn hefur samband ef hann skuldar þér pening Innlent Ólga vegna samskiptaleka: „Ég elska Hitler“ Erlent Rússneskur kafbátur í fylgd sænska hersins Erlent Viðkvæmur friður þegar í hættu? Erlent Karlmaður í haldi vegna gruns um brot gegn barni í Hafnarfirði Innlent Álag á bráðamóttöku og fólk beðið um að leita annað Innlent Dónatal í desember Erlent „Það er allt svart þarna inni“ Innlent Biður Pútín um að afhenda Assad Erlent Fleiri fréttir Greip inn í þegar aldraður faðir hans keypti bíl handa vinkonu sinni Gummi Emil sver af sér ásakanir um dýraníð: „Ég bað hestinn afsökunar“ Biðtíminn sé dauðans alvara sem auki álag ofan í áfallið Álag á bráðamóttöku og fólk beðið um að leita annað Sigríður Andersen nýr þingflokksformaður Miðflokksins Karlmaður í haldi vegna gruns um brot gegn barni í Hafnarfirði Bankinn hefur samband ef hann skuldar þér pening Mál leiðbeinandans á Múlaborg á leið til héraðssaksóknara „Það er allt svart þarna inni“ Ekki láglaunakvenna að axla ábyrgð á innleiðingu kynjajafnréttis Íslandsbanki ætlar að hafa frumkvæði að endurgreiðslu til kúnna Lést samstundis þegar ekið var á hana á 143 kílómetra hraða Vilja þjóðfund um menntamál og framtíð landsins „Þessi málaflokkur er bara í drasli“ Þurrt og bjart suðaustan til og stinningskaldi í kortunum Nærliggjandi hús rýmt þegar eldur kom upp á Ásbrú í morgun Vildu bregðast við sterku ákalli fólks sem hafði misst skyndilega Endurkaupaáætlun fyrir Grindvíkinga kynnt eftir áramót Nafngreindi rangan mann í frétt og dæmdur fyrir meiðyrði Mosfellsbær tæki gjarnan við peningunum sem Tjörneshreppur afþakkar Danir stórefla varnir Grænlands með freigátum og orustuþotum Mannránstilraun í Kongó og tvöföld áramót meðal eftirminnilegustu ferðaævintýra Katrínar Lítill skjálfti við Ingólfsfjall Vill leiða Miðflokkinn í Kópavogi Skora á stjórnvöld að beita sér fyrir styttri bið eftir geislameðferð Erlendir aðilar stofna fölsk íslensk lén í annarlegum tilgangi Rýnt í áhrif stóra vaxtamálsins Velti fyrir sér „hvaða vitleysingur væri að skrifa bara eitthvað“ Vill heldur sjá langtímasamninga um framlög fyrir „samtök úti í bæ” „Auðvitað er hann velkominn hingað til Íslands“ Sjá meira