Fundu risavaxið svarthol í fjarlægri vetrarbraut

Stjörnufræðingar hafa fundið risavaxið svarthol, það næststærsta sem fundist hefur í sögunni.

Það er hinsvegar staðsett í mjög lítilli vetrarbraut og það veldur miklum heilabrotum meðal stjarnfræðinganna. Yfirleitt er samhengi á milli stærðar svarthola og þeirra vetrarbrauta sem þau finnast í. Því stærri sem vetrarbrautir eru því stærri eru svartholin í þeim.

Þetta svarthol er með massa sem er 17 milljörðum sinnum þyngri en sólin og raunar er það svo stórt að það myndi fylla út í sólkerfi okkar.

Svartholið er í vetrarbrautinni NGC 1277 sem er í 220 milljóna ljósára fjarlægð frá jörðinni. Stærð þessarar vetrarbrautar er aðeins fjórðungur af þeirri vetrarbraut sem sólkerfi okkar tilheyrir.