Fæðingartíðnin í Bandaríkjunum sú lægsta síðan 1920

Fæðingartíðni kvenna í Bandaríkjunum á síðasta ári hefur ekki verið lægri síðan árið 1920 þegar fyrst var farið að mæla hana þarlendis. Í fyrra var fæðingartíðnin aðeins rúmlega 63 börn á hverjar þúsund konur.

Tíðnin hefur lækkað um 8% á árunum 2007 til 2010 hjá konum í heild og um 6% hjá þeim konum sem sjálfar eru fæddar í Bandaríkjnum. Tíðnin lækkaði mest hjá konum sem fæddar eru utan Bandaríkjanna og hjá innflytjendum frá Mexíkó eða á bilinu 14% til 23% en þessir hópar hafa orðið hvað harðast úti í kreppunni.

Fæðingartíðnin í fyrra var helmingi lægri en árið 1957 þegar hún mældist mest á síðustu öld.