Einkakennarar með sömu stöðu og rokkstjörnur í Hong Kong

Þau eru rík, fræg og kenna stærðfræði eða ensku. Einkakennarar eru komnir með sömu stöðu og rokkstjörnur í Hong Kong.

Viðkomandi einkakennarar þurfa að líta út eins og rokkstjörnur til að ná sömu stöðu í Hong Kong og þar að auki verða þeir að sýna að nemendur þeirra bæti einkunnir sínar eftir einkatímana. Hvort sem þar er kennd stærðfræði eða enska.

Fjallað er um þessar nýju stjörnur í Hong Kong á vefsíðu BBC. Þar segir að í þessari fyrrverandi nýlendu Breta gangi þessir einkakennarar undir nöfnunum tudor kóngar og tudor drottningar.

Margir þeirra eru orðnir milljónamæringar á kennslu sinni og koma reglulega fram í sjónvarpsþáttum.

Hin 26 ára gamla Kelly Mok sem lítur út eins og Hollywood stjarna segir að hún hefði ekki náð því að verða fræg og rík í Hong Kong nema að vera frábær kennari. Einkunnir nemenda hennar bera þess vitni og það geri hana að vinsælum og eftirsóttum einkakennara.

Velgengi Kelly og annara í hennar stöðu skýrist einkum af þvi að foreldrar í Asíu telja almennt að menntun barna sinna sé helsta forgangsverkefni fjölskyldunnar.