Lagerbäck: Eiður gæti komið inn á næsta ári

Landsliðsþjálfarinn í knattspyrnu, Lars Lagerbäck, segir í samtali við heimasíðu KSÍ að Eiður Smári Guðjohnsen sé enn í myndinni hjá sér þó svo hann hafi ekki verið valinn í hópinn fyrir vináttulandsleikinn gegn Andorra.

Eiður hefur verið mjög heitur og skorað grimmt síðan hann gekk í raðir Cercle Brugge í Belgíu.

"Eiður Smári hefur verið að standa sig vel í Belgíu og skorar í hverjum leik, en ég þekki hann sem leikmann og veit hversu reyndur hann er og hversu mikilvægur leikmaður hann getur verið, mig langar einfaldlega að skoða leikmenn eins og Matthías aðeins betur, hann var síðast í hóp hjá okkur í Japan, hefur skorað grimmt í næst efstu deild í Noregi í sumar og verður í efstu deildinni þar á næsta ári. Við fylgjumst hins vegar vel með Eiði og hann gæti alveg komið inn á næsta ári," sagði Lars í viðtalinu.

Það má lesa í heild sinni hér.