Neita því að kattarslagur sé í gangi í Downingstræti 10

Skrifstofa David Cameron forsætisráðherra Bretlands hefur neitað orðrómi þess efnis að stríð sé í gangi á milli Larry sem er heimilisköttur Cameron í Downingstræti 10 og Freyu sem er heimilisköttur George Osbourne fjármálaráðherra í næsta húsi eða Downingstræti 11.

Orðrómurinn komst á kreik eftir að mynd birtist á twitter þar sem sést hvar Freya slæmir klóm sínum í Larry. Talsmaður Cameron staðhæfir að þessir kettir geti lifað með hvor öðrum.

Það hefur áður komið fram að Larry þykir mjög værukær og hann standi sig alls ekki í stykkinu við músaveiðar í Downingstræti 10.