Sakleysi múslíma verður ekki fjarlægð af YouTube

Bandarísk kvikmynd, sem stefnt er gegn múslímum og Múhameð spámanni þeirra, verður ekki fjarlægð af YouTube. Þetta tilkynntu stjórnendur Google í gær.

Kvikmyndin, sem kölluð er Sakleysi múslíma, varð tilefni mótmæla við sendiráð Bandaríkjanna víða í Norður-Afríku. Þá var Christopher Stevens, sendiherra Bandaríkjanna í Líbíu, myrtur þegar skæruliðar réðust á ræðismannsskrifstofu hans í Benghazi í gær.

Stevens var þaulreyndur í málefnum norður-Afríkuríkja. Hann hafði starfað við mannúðarstörf um árabil áður en hann hóf pólitískan feril sinn. Síðustu misseri hafði hann unnið að því að bæta samskipti Líbíu og Bandaríkjanna. Hér fyrir ofan er hægt að sjá stutt kynningarmyndband sem Stevens lét gera áður en hann tók við embætti ræðismanns í Líbíu.

Fjórtán mínútna myndskeið úr Sakleysi múslíma birtist á YouTube á dögunum og það í arabískri þýðingu. Múhameð spámaður leikur stórt hlutverk í myndinni. Þar er hann birtur sem svikari og daðrari.

Stjórnendur Google sögðu í gær að myndbandið bryti ekki bága við skilmála YouTube. Fyrirtækið ákvað þó að loka fyrir aðgang að myndskeiðinu í Egyptalandi og Líbíu.

Í yfirlýsingu frá leikurum og tæknimönnum sem unnu að gerð Sakleysi múslíma kemur fram að þau hafi í raun verið blekktir. Þau hafi ekki vitað að um áróðursmynd væri að ræða.