Ebólu-faraldur í Kongó

Ebóluveiran smitast nú manna á milli í Kongó. Mikil skelfing hefur gripið um sig í landinu en á síðustu vikum hefur að minnsta kosti þrjátíu og einn látist af völdum veirunnar.

Smittíðni og útbreiðsla veirunnar hefur aukist jafnt og þétt síðustu mánuði. Það var síðan í ágúst sem útbreiðsla veirunnar varð að faraldri.

Alþjóðaheilbrigðismálastofnun lítur málið alvarlegum augum. Talsmaður stofnunarinnar sagði breska ríkisútvarpinu að faraldurinn væri afar alvarlegur og að heilbrigðisyfirvöldum í Kongó hefði ekki tekist að hefta útbreiðslu hennar.

Ebóla er ein hættulegasta veira sem þekkist. Hún er ólæknandi sjúkdómur sem dregur um níutíu prósent þeirra sem smitast til dauða.