Norrænir glæpahöfundar eins og breska rokkið fyrir 50 árum

Hagfræðitímaritið The Economist segir að staða norrænu glæpasagnahöfundanna á heimsvísu sé sú sama og var hjá breska rokkinu á sjöunda áratug síðustu aldar.

Það er einn af föstum greinahöfundum The Economist sem fjallar um árangur glæpasagnarithöfunda frá Norðurlöndunum undir fyrirsögninni Þessir blóðugu Skandinavar. Þar segir að bækurnar sem þessir höfundar skrifa rati í sívaxandi mæli á hvíta tjaldið.

Tveir af þessum rithöfundunum eru sagði kóngar hinna norrænu glæpasagna. Þetta eru Stig Larsson höfundur Millennium þríleiksins og Henning Mankell höfundur Wallander bókanna en báðir þessir menn hafi selt tugi milljóna af bókum sínum. Síðan segir að þrír aðrir höfundar geri svo tilkall til titilsins en það eru Norðmaðurinn Jo Nesbo, Íslendingurinn Arnaldur Indriðason og Svíinn Camilla Lackberg.

Tímaritið veltir því fyrir sér hvernig svo frjó glæpasagnahefð geti blómstrað á Norðurlöndunum því þar sé glæpatíðni ein sú allra lægsta í heiminum. Í Danmörku eru framin innan við eitt morð á hverja 100.000 íbúa samanborið við rúmlega 4 morð í Bandaríkjunum og 21 í Brasilíu.

Hluti af skýringunni eru framandi kringumstæðurnar í sögunum og að norrænu höfundarnir einbeita sér meir að félagslegum þáttum glæpanna en þess hve hryllilegir þeir séu.

Þá er einnig bent á að blóðug sagnahefð, það er Íslendingasögurnar, hafi lengi verið til staðar í þessum heimshluta.