Rússar byggja stærsta kjarnorkuknúna ísbrjót heimsins

Rússar eru nú að byggja stærsta kjarnorkuknúna ísbrjót heimsins, þann fyrsta af gerðinni LK-60.

Ísbrjóturinn mun kosta tæplega 150 milljarða króna og áætlað er að afhenda hann árið 2015 en hann verður staðsettur í Murmansk.

Ísbrjótur þessi er 173 metrar á lengd og 34 metrar á breidd. Vélar hans skila sem svarar til 60 MW afli.

Í frétt um málið í Barents Observer segir að ísbrjótur þessi geti siglt í gegnum allt að tæplega þriggja metra þykkan hafís sem þýðir að hann getur siglt nánast hvar sem er milli norðanstranda Rússlands og Norðurpólsins að sumri til.