Slúðurtímaritið Se og Hör birtir nektarmyndirnar af Kate

Danska slúðurtímaritið Se og Hör hefur ákveðið að birta nektarmyndirnar af Kate Middleton hertogaynjunni af Cambridge.

Í frétt um málið í Ekstra Bladet segir að myndinar verði birtar í sérstöku 16 síðna aukablaði sem fylgir með Se og Hör tímaritinu á morgun, fimmtudag.

Kim Henningsen ritstjóri Se og Hör segir í samtali við Ekstra Bladet að þeir hafi ákveðið að birta nektarmyndirnar þar sem það sé skylda Se og Hör að skemmta lesendum sínum og svala forvitni þeirra.