Ákærurnar felldar niður

Saksóknarar í Suður-Afríku hafa fellt niður ákærur á hendur tvö hundruð og sjötíu námuverkamönnum í landinu. Mennirnir voru ákærðir á dögunum fyrir að bera ábyrgð á dauða þrjátíu og fjögurra samstarfsfélaga sinna sem lögreglan skaut til bana um miðjan mánuðinn.

Ástæðan fyrir aðgerðum lögreglu var verkfall námuverkamannanna sem vildu frá hærri laun frá vinnuveitanda sínum. Í mótmælunum notuðu þeir barefli og ákvað lögreglan því að skjóta á hópinn í aðgerðum sínum.

Námuverkamennirnir hafa búið við kröpp kjör, fengið lág laun og margir búið í hrörlegum kofum. Sum barna þeirra þjást af langvinnum sjúkdómum vegna mengunar frá leku skolpræsakerfi.