Harry grínast með sundlaugarpartíið

Harry Bretaprins tekur sjálfan sig augljóslega ekki of hátíðlega því þegar hann kom í dag fram opinberlega í fyrsta sinn síðan myndir af honum berum í sundlaugarpartíi í Las Vegas fóru eins og eldur í sinu um fjölmiðla heimsins gerði hann grín að uppátækinu.

Í dag veitti hann verðlaun á góðgerðarsamkomu fyrir alvarlega veik börn. Þegar hann hélt ræðu áður en hann afhenti verðlaunin minntist hann lítillega á partíið umtalaða.

„Þið eruð öll - börn, fjölskyldur, hjúkrunarfólk, læknar og sjálfboðaliðar - hreinlega of aðdáunarverð til að ég geti lýst því með orðum," sagði hann. „En þar sem ég hef aldrei verið sérlega feimin með sjálfan mig læt ég á það reyna," bætti hann við og glotti framan í áhorfendur sem ærðust af hlátri og klöppuðu honum lof í lófa.