Flóðbylgjuviðvörun gefin út eftir skjálfta við Kosta Ríku

Jarðskjálfti af stærðinni 7,9 skók norðvesturströnd Kosta Ríku í dag. Skjálftinn varð í um sextíu kílómetra fjarlægð frá bænum Líberíu og um 141 kílómetrum frá höfuðborginni San Jose. Upptök hans eru talin vera á 41 kílómetra dýpi.

Flóðbylgjuviðvörun hefur verið gefinj út fyrir Kosta Ríku, Panama, Nikaragúa, El Salvador, Hondúras, Mexíkó, Kólumbíu, Ekvador, Guatemala og Perú. Þá er einnig óttast að flóðbylgja geti skollið í Chile.

------------

Uppfært kl. 15:35

Í fyrstu var talið að skjálftinn hefði verið 7,9 stig en nú er talið að hann sé 7,6.