Öldungaráð stofnað í Reykjavík

Samþykkt var að stofna sérstakt öldungaráð í Reykjavík á borgarstjórnarfundi í gær. Ráðið verður skipað eldri borgurum og á að funda reglulega um málefni þeirra og vera borgarstjórn til ráðgjafar.

Um þessar mundir er unnið að því að flytja ábyrgð á þjónustu við aldraða frá ríki til sveitarfélaga. Öldungaráðið getur gegnt veigamiklu hlutverki í slíkri vinnu.

Skrifstofa borgarstjórnar mun móta hlutverk, tilgang og skipan ráðsins í samvinnu við stjórn Félags eldri borgara.

Kjartan Magnússon, borgarfulltrúi Sjálfstæðisflokksins, beitti sér fyrir stofnun ráðsins og flutti tillögum þess efnis á fundinum í gær.