Talið að 22.000 manns séu í hættu vegna vírussmits

Talið er að allt að 22 þúsund manns séu í hættu á því að hafa smitast af lífshættulegum vírus í Yosemite þjóðgarðinum í Kaliforníu sumar.

Vírus þessi sem gengur undir nafninu hantavírusinn hefur þegar kostað þrjá einstaklinga lífið af þeim átta sem smitast hafa af honum. Starfsmenn þjóðgarðsins hafa haft samband við alla þá sem eru í hættu á að hafa smitast en þetta fólk dvaldi í garðinum á tímabilinu frá því í vor og fram að síðustu mánaðarmótum.

Vírusinn berst til manna í gegnum sýkt nagdýr og er ólæknandi enn sem komið er.