Ljóseindir verkuðu hvor á aðra í órafjarlægð

Alþjóðlegt rannsóknarteymi fékk á dögunum athyglisverðar niðurstöður úr tilraun þegar þeim tókst að láta tvær ljóseindir hafa áhrif hvor á aðra þó þær væru aðskildar og staðsettar í 143 kílómetra frá hvorri annarri. Afrekið er heimsmet í svonefndu „quantum teleportation" sem grundvallast á nokkurs konar fjarsambandi öreinda.

Vísindamennirnir fengu tvær samstæðar ljóseindir í 143 km fjarlægð til að bregðast eins við þegar þeir áttu við aðra þeirra. Þannig hegðaði ljóseindin sem var í órafjarlægð sér samstundis eins þegar hegðun hinnar breyttist, þær snerust t.d. eins.

Albert Einstein lýsti fyrirbærinu, þ.e. þessari tengingu ljóseinda í fjarlægð, á sínum tíma sem hálf draugalegri virkni. Hingað til hafa tilraunir sem þessar aðeins verið framkvæmdar á tilraunastofum en í þetta sinn tókst vísindamönnum að viðhalda tengingunni milli ljóseindanna þó himinn og haf, og þar með duttlungafull veðraskilyrði, væru á milli.

Tilraunin var framkvæmd af Evrópsku geimferðastöðinni. Nákvæmari umfjöllun um hana má nálgast á þessum tengli.