Heimili fjölskyldunnar rannsakað í dag

Heimili fjölskyldunnar sem skotinn var til bana við Chevaline við frönsku Alpana verður rannsakað í dag.

Franski saksóknarinn Eric Maillaud sagði í dag að rannsóknarlögreglumenn og tæknideild lögreglunnar í Bretlandi myndi hefja rannsókn á húsinu seinna í dag.

Fjölskyldan, sem var af írösku bergi brotin en búsett í Bretlandi, var á ferðalagi um Frakkland þegar þau voru myrt í bifreið sinni. Franskur hjólreiðamaður var einnig skotinn til bana en talið er hann hafi orðið vitni að morðunum.

Sem kunnugt er lifðu tvær ungar systur skotárásina af. Þær eru sjö og fjögurra ára gamlar. Sú eldri er nú í stöðugu ástandi en hún var skotin nokkrum sinnum. Henni er haldið sofandi en lögreglan í Frakklandi telur hana vera lykilvitni í málinu Yngri stúlkan slapp ómeidd en hún faldi sig undir líki móður sinnar.

Ættingjar telpnanna komu til Frakklands í dag en með þeim er starfsmaður bresku félagsþjónustunnar.